ເປັນອົງການຈັດຕັ້ງທາງສັງຄົມທີ່ມີຄວາມຕື່ນຕົວຂອງຄົນພິການລາວບັນດາເຜົ່າຈັດຕັ້ງຂື້ນມີສອງຂັ້ນຄື: ຂັ້ນສູນກາງແມ່ນຢູ່ພາຍໃຕ້ການຊີ້ນໍາ ຂອງຄະນະກໍາມະທິການແຫ່ງຊາດເພື່ອຄົນພິການ. ເຊື່ງແມ່ນລັດຖະມົນຕີວ່າການກະຊວງແຮງງານ ແລະ ສະຫັວດດີການ ສັງຄົມເປັນປະທານ, ຂັ້ນທ້ອງຖີ່ນແມ່ນຢູ່ພາຍໃຕ້ ການຊີ້ນໍາຄະນະກໍາມະທິການແຫ່ງຊາດ
ເພື່ອຄົນພິການຂັ້ນແຂວງ ແລະ ອໍານາດການປົກຄອງທ້ອງຖີ່ນ. ສ.ພ.ລ. ເປັນອົງການຈັດຕັ້ງຕັ້ງຂອງຄົນພິການ ເປັນຕົວແທນແຫ່ງສິດຜົນປະໂຫຍດຂອງຄົນພິການບັນດາເຜົ່າ, ຊຸກຍູ້ສົ່ງເສີມໃຫ້ສະມາຊິກຄົນພິການໄດ້ມີໂອກາດເທົ່າທຽມກັນກັບຄົນບໍ່ເປັນພິການ, ທາງດ້ານສິດທິ ແລະ ຄວາມສະເໝີພາບທາງດ້ານການສຶກສາ, ການຝຶກວິຊາຊີບ, ສຸກຂະພາບ. ການມີວຽກເຮັດງານທໍາ, ການຮັບຮູ້ທາງດ້ານຂໍ້ມູນຂ່າວສານ, ການປັບປຸງສີ່ງອໍານວຍຄວາມສະດວກຢູ່ສະພາບແວດລ້ອມໃນສັງຄົມ ແລະ ການມີສ່ວນຮ່ວມຕ່າງໆໃນຂົງເຂດວຽກງານ, ການພັດທະນາປະເທດຊາດພ້ອມກັນນັ້ນສະມາຄົມຄົນພິການລາວຍັງ
ໃຫ້ການບໍລິການທາງດ້ານເຄື່ອງຄໍ້າຊູ, ໄມ້ຄ້ອນເທົ້າ, ລາບຂາ, ເຄື່ອງຊ່ວຍຟັງຫູ, ແວ່ນຕາ, ລໍ້ເລື່ອນ, ລໍ້ໂຍກ ແລະ ອຸປະກອນອື່ນໆທີ່ຊ່ວຍໃຫ້ຄົນພິການໄດ້ຮັບການຟື້ນຟູທາງດ້ານສຸຂະພາບ ທັງໄດ້ເອື້ອອໍານວຍທາງດ້ານເອກະສານໃຫ້ບັນດາສະມາຊິກຄົນພິການໄດ້ຕິດຕໍ່ພົວພັນໃນການປະກິກກິດຈະກໍາຊ່ວຍເຫຼືອຕົນເອງຕື່ມອີກ.