|
ຄົນພິການລາວບັນດາເຜົ່າໄດ້ຮັບເຂົ້າກີນ
ຄົນພິການລາວລາວບັນດາເຜົ່າແມ່ນມີຫລາຍສົມຄວນໃນຂອບເຂດທົ່ວປະເທດ,
ພວກເຂົາສ່ວນຫລາຍກາຍເປັນພິການຍ້ອນເກີດມາຈາກສົງຄາມ,
ຜົນກະທົບຈາກລູກລະເບີດທີ່ບໍ່ທັນແຕກ, ອຸປະຕິເຫດຈາກການອອກແຮງງານ,
ການຈາລະຈອນ, ຈາກພະຍາດ ແລະ ຈາກກຳເນີດ. ສ່ວນຫລາຍ
ມີຖານະທຸກຍາກຂາດເຂົ້າກີນໂດຍສະເພາະແມ່ນຄົນພິການຢູ່ເຂດເມືອງກະລືມ
ແລະ ດັກຈືງ ແຂວງສາລະວັນ ພວກເຂົາຈະຊາດເຂົ້າກີນປະມານ 3 ເດືອນຕໍ່ປີຊຶ່ງເຮັດໃຫ້ຄົນພິການລາວບັນດາເຜົ່າບໍ່ມີໂອກາດໄດ້ພັດທະນາຕົນເອງ.
ໂດຍເຫັນຄວາມສຳຄັນດັ່ງກ່າວສະມາຄົມຄົນພິການລາວຈຶ່ງໄດ້ ຮັບການຮ່ວມມືເປັນຢ່າງດີກັບອົງການສຸພານິມິດປະຈຳລາວ
ສ.ປ.ປ.ລາວຊື່ງເປັນອົງການກຸສົນທີ່ບໍ່ຫວັງຜົນຕອບແທນທີ່ບໍ່ຂື້ນກັບລັດທະບານໄດ້ໃຫ້ການສະໜັບສະໜູນເຂົ້າກີນໃຫ້ແກ່ຄົນພິການລາວບັນດາເຜົ່າມາໄດ້
2 ປີ, ປີ ລະ 150 ໂຕນ. ຄືໃນວັນທີ 30 ເດືອນຕຸລາ 2006 ສະມາຄົມຄົນພິການລາວໄດ້ເຊັນບົດບັນທຶກຄວາມເຂົ້າໃຈຮັບເອົາການຊ່ວຍເຫລືອເຂົ້າກີນ
ກັບ ອົງການສຸພານິມິດຈຳນວນ 150 ໂຕນ ເພື່ອນຳໄປແຈກຢາຍໃຫ້ບັນດາສະມາຊິກຄົນພິການທີ່ຢູ່ແຂວງ
|
ລາຍຊື່ແຂວງ |
ຈໍານວນສະມາຊິກ |
ຈໍານວນເຂົ້າທີ່ໄດ້ຮັບ |
|
ສາລະວັນ
|
156 ຄົນ |
6 ໂຕນ |
|
ເຊກອງ |
689 |
29,5 |
|
ຈຳປາສັກ |
556 |
22,5 |
|
ນະຄແນຫລວງວຽງຈັນ |
1166
|
28 |
|
ອຸດົມໄຊ |
146
|
4 |
|
ໄຊຍະບູລີ |
303 |
13 |
|
ຫລວງພະບາງ |
680 |
29,5 |
|
ຊຽງຂວາງ |
445 |
17,5 |
ໃນຕອນເຊົ້າຂອງວັນທີ 13/12/06 ເວລາ 10:30 ໄດມີການແຈກຢາຍເຂົ້າໃຫສະມາຊິກສະມາຄົມຄົນພິການລາວຢູທີ່ສາງອຸປະໂພກບໍລິໂພກຂອງກະຊວງແຮງ ງານ ແລະ ສະ ຫັວດດີການສັງຄົມບາ້ນດົງໝາກຄາຍແຂວງວຽງຈັນເຊິ່ງເປັນປະທານການມອບເຂົ້າໂດຍທານ ນາງ ແພງມະນີ ແພງພົມກອງ ຄະນະຮັບຜິດຊອບການແຈກຢາຍເຂົ້າໃຫ້ສະມາຊິກ. ນອກຈາກນັ້ນຍັງມີຈຳນວນ 28 ກຸ່ມທົ່ວກຳແພງນະຄອນເຊິ່ງເຂົ້າທີ່ໄດຮັບຄັ້ງນີ້ທັງໝົດແມ່ນ 28 ໂຕນຈະແບ່ງໃຫ້ແຕ່ລະກຸ່ມໂດຍອີງໃສ່ຈຳນວນສະມາຊິກພາຍໃນແຕ່ລະກຸ່ມເຊິ່ງສະເລ່ຍ 24 ກິໂລຕໍ່ຜູ້ໜຶ່ງເຊິ່ງບັນດາຫົວໜ້າກຸ່ມກໍ່ໄດເຊັນຮັບເອົາຂອງໃຜຂອງ ລາວຕາມລຳດັບ.
ການປະກອບສ່ວນຊ່ວຍເຫລືອເຂົ້າກີນ
ຂອງ ອົງການສຸພານິມິກໃນຄັ້ງນີ້ແມ່ນເປັນການປະກອບສ່ວນລົບລ້າງຄວາມອຶດຫີວໃນໝູ່ຄົນພິການລາວບັນດາ
ເຜົ່າເຖີງວ່າມັນຈະບໍ່ຫລວງຫລາຍ ແລະ ກໍ່ບໍ່ພຽງພໍກັບຄວາມຕ້ອງການຂອງສະມາຊິກແຕ່ກໍ່ເປັນການຊ່ວຍບັນເທົາຄວາມທຸກຍາກ
ແລະ ເຮັດໃຫ້ຄົນ
ພິການໄດ້ມີໂອກາດພັດທະນາ, ປະກອບກິດຈະກຳຊ່ວຍເຫລືອຕົນເອງເຊີ່ງມັນຖືກກັບທິດທາງນະໂຍບາຍ
ຂອງ ພັກ-ລັດຖະບານໃນການລົບລ້າງຄວາມ
ທຸກຈົນໃນໝູ່ປະຊາຊົນລາວແຕ່ນີ້ຫາປີ 2020. |
|